Уг хуулийн төслийг УИХ-д өргөн барих эхний хувилбар бэлэн болжээ.
Харин УИХ-ын сонгуулийг ямар системээр явуулахыг намын бүлгүүдээс санал авсны дараа Ажлын хэсэг дахин ярилцахаар болсныг Ажлын хэсгийн ахлагч Р.Бурмаа мэдээлэв.
Өнөөдрийн бүлгийн хуралдаанд УИХ-ын дарга З.Энхболд оролцжээ. Хурлын үеэр АН-ын бүлгийн гишүүд сонгуулийг ямар системээр явуулах талаар янз бүрийн байр суурь илэрхийлсэн байна. Гэхдээ 28:48 буюу холимог тогтолцоогоор УИХ-ын сонгуулийг явуулах нь зүйтэй гэсэн байр суурь давамгайлж байгаа бололтой. Бүлгийн хуралдаан Засгийн газрын хуралдааны цагтай давхацсан учир энэ удаа тодорхой шийдэлд хүрэлгүй хурал өндөрлөлөө. АН-ын бүлэг энэ асуудлаар маргааш дахин хуралдаж магадгүй байна.