Баянгол дүүргийн 12 хорооны нутаг дэвсгэр, … тоотын үүдэнд ягаан даавуун өлгийтэй, дөрвөлжин хар хээтэй саарал ороолтоор давхар ороосон нярай хүүхэд орхиж явсан хэрэг өчигдөр гарсан байна. Одоогоор нэр хаяг тодорхойгүй уг хүүхэд 7-8 хоногтой байсан бөгөөд хүй нь цөглөөгүй нярай байсан байна. Улмаар цагдаагийн алба хаагчид хүүхдийг ЭХЭМҮТөвд үзүүлж, “Хүүхдийн Төв сувилал”-д хүлээлгэн өгчээ. Хэргийг Баянгол дүүргийн цагдаагийн нэгдүгээр хэлтэст шалгаж байна.