Улаанбаатар хотын Замын цагдаагийн газраас “Хүүхдийг зам тээврийн ослоос урьдчилан сэргийлэх өдөр”-ийг хоёр дахь жилдээ зохион байгуулах гэж байна.
“Хүүхдийг зам тээврийн ослоос урьдчилан сэргийлэх өдөр”-ийг 2015 оны дөрөвдүгээр сарын 10-ны өдөр буюу маргааш Эрх чөлөөний талбайд 11.00 цагаас зохион байгуулах юм байна.
Энэ өдөр сурагчдын дунд “Замын хөдөлгөөн миний нүдээр” уриан доор зохиогдсон зохион бичлэгийн болон уран зургийн уралдааны эздийг тодруулах юм. Мөн тухайн өдөр төв зам дагуу буюу баруун дөрвөн замаас зүүн дөрвөн зам хүртэлх явган хүний гарцууд дээр хүүхдүүд уриалга бүхий санал хүсэлтүүдээ бичсэн самбар барьж зогсох юм байна. мөн “Зоос гоёл”-ын үүднээс Эрх чөлөөний талбай хүртэл оюутан, сурагчдын жагсаал болох аж. Замын цагдаагийн газраас энэ арга хэмжээнд идэвхитэй оролцохыг иргэдэд хандан уриалж байна.