Цас орж гудамж замд хальтиргаа гулгаа ихээр үүсэнтэй холбоотойгоор зам тээврийн осол, замын түгжрэл саатал бий болж хөдөлгөөний эрчим удааширсан байна. Тухайлбал, Баянхошууны тойрогоос Зурагт уруудах замд хэд хэдэн осол гарч түгжрэл үүссэн байна. Үүнээс үүдэн энэ чиглэлд үйлчилгээнд явж буй 9 дугаартай Зурагт-Зүүнсалааны хэд хэдэн автобус саатсан гэх мэдээлэл иргэдээс ирлээ. Иймд иргэд, жолооч та бүхэн онцын шаардлага байхгүй бол замын хөдөлгөөнд оролцохгүй байхыг холбогдох газраас зөвлөж байна. Хэрэв та замын хөдөлгөөнд оролцох бол цаг агаарын нөхцөл байдал, зорчих хэсгийн гадаргууны байдал, тээж яваа ачаа, хөдөлгөөний эрчимд тээврийн хэрэгслийн хурдаа зөв тохируулан анхаарал болгоомжтой замын хөдөлгөөнд оролцоорой.