Нийслэлийн Иргэдийн Төлөөлөгчдийн хурлын ээлжит 14-р хуралдааны шийдвэрээр “Гэрлэх ёслолын ордон” хувьчлагдах жагсаалтаас хасагдлаа. Тус ордон нь 27 ажилтан албан хаагчидтай Нийслэлийн өмчит Улсын Үйлдвэрийн газар юм. 1976 оноос өнөөдрийг хүртэл 39 жил үйл ажиллагаагаа хэвийн төвшинд явуулж байгаа “ашигтай” ажилладаг байгууллага. Гэтэл Нийслэлийн хэмжээнд ганц байдаг Гэрлэх ёслолын ордонг “ашиггүй ажиллалаа” гэсэн шалтгаанаар хувьчлах саналыг нийслэлийн Өмчийн харилцааны газрын дарга Ш.Төмөрбаатар гаргаж, НИТХ-ын хуралдаанаар хэлэлцүүлсэн нь иргэдийн дунд ихээхэн бухимдал үүсгээд байсан. Харин Нийслэлийн Иргэдийн Төлөөлөгчдийн хурлын ээлжит 14-р хуралдааны шийдвэр гарснаар “Гэрлэх ёслолын ордон” хувьчлагдах аюулаас мултарлаа.