Хойд Солонгосын удирдагч Ким Чен Ун ирэх тавдугаар сарын 9-ны өдөр ОХУ-ын нийслэл Москва хотноо зохион байгуулагдах Ялалтын баярт оролцохоо албан ёсоор мэдэгдсэн тухай “CNN” агентлаг мэдээллээ. Тэрбээр өчигдөр “KCNA” агентлагт “Дэлхийн II дайнд фашист Германыг ялсан орос цэргүүдийн ялалтын их баярт биечлэн оролцох болно. Энэ бол миний гадаад дахь анхны айлчлал. Тус улсын агуу удирдагч В.Путинтай биечлэн уулзахдаа таатай байна” гэж хэлжээ.
Путин энэ оныг Хойд Солонгос-Оросын нөхөрлөлийн жил хэмээн зарласан юм. Оросын Засгийн газар тус улсад нэг тэрбум ам.долларын буцалтгүй тусламж илгээхээр төлөвлөсөн хэмээн Ерөнхийлөгчийн хэвлэлийн төлөөлөгч Дмитрий Песков мэдэгдсэн байна. Ким Чен Уны эцэг Ким Чен Ир Орост гурван удаа төрийн айлчлал хийж байсан юм.