Баянзүрх дүүргийн 25 дугаар хорооны нутагт үйл ажиллагаа явуулдаг Капитрон банкны “Sunday” тооцооны төвд буутай этгээд орж 20 орчим сая төгрөг дээрэмдсэн тухай бид мэдээлж байсан билээ. “Мартын 8”-ны өмнөх орой 20.31 цагтболсон энэ хэргийн сэжигтэнг орон даяар эрэн сурвалжилж байгаа билээ. Одоогоор сэжигтэй, сэжигтэн орогносон байж болзошгүй газруудыг шалгажирж буй мэдээллүүдийг мухарлаж буй талаар ажлын хэсгийн эх сурвалж хэлэв.Сэжигтний хамсаатан байж болох залууг саатуулжээ. Тэрбээр хэрэг гардаг өдөр сэжигтэнтэй хамт явж байсан гэнэ. Үүнийг нь нотлох баримт гудамжны камераас олдсон аж. Хамсаатан гэх залуу харин “ Сэжигтнийг гэмт хэрэг хийх гэж байсныг мэдээгүй, хаана байгааг нь мэдэхгүй” хэмээн мэдүүлсэн гэнэ. Энэ хэргийн сэжигтнийг Баянзүрх дүүргийн цагдаагийн I хэлтэс болон Онц хүнд гэмт хэрэгтэй тэмцэх газраас ажлын хэсэг гарган эрэн сурвалжилж байгаа юм байна.
Сэжигтнийг харсан хүн байвал цагдаагийн шуурхай албаны 102 болон 93214400, 99085204 дугаарын гар утсанд яаралтай мэдэгдэхийг хуулийн байгууллагаас анхаарууллаа.
Г.ОНОН