Дүнжингарав-2015″ хурдан морины уралдаан Төв аймгийн нутаг Хүй долоо худагт боллоо. Засгийн газрын тогтоолын дагуу зохиогддог төвийн бүсийн “Дүнжингарав-2015″ хурдан морины уралдааныг шинийн гурванд хийхээр төлөвлөөд байсан ч цаг агаар эрс хүйтэрсний улмаас түр хугацаагаар хойшлуулсан юм. Өнөөдөр эрлийз дээд нас, азарга, их нас, соёолон гэсэн морьдын уралдаан боллоо. Ингээд айргийн тавд хурдалсан ажнай хүлгүүдийг танилцуулья.
Эрлийз морьдын дээд нас: (74 хурдан хүлэг)
1.Завхан аймгийн Эрдэнэхайрхан сумын харьяат, манлай уяач Намжилцэрэнгийн Дөш-Өлзийн зээрд азарга. Энэхүү хурдан ажнай хоёр жил дараалан түрүүлж байгаа бөгөөд алдарт уяач Т.Батцоож уяж, хурдлуулжээ.
2. Орхон аймгийн уяач Бямбажаргалын хээр үрээ
3. Увс аймгийн Зүүнговь сумын уяач, аймгийн алдарт уяач Барсүрэнгийн хээр азарга. Өнгөрсөн жилийн Дүнжингаравт айргийн тавд хурдалжээ.
4. Булган аймгийн Баяннуур сумын уяач ААУ Ч.Содномын хар үрээ
5. Манлай уяач П.Мэндбаярын хонгор морь хурдаллаа.
Их нас: (191 хурдан хүлэг)
1. Төв аймгийн Баян сумын аймгийн алдарт уяач Хэнгэрэгийн Цогтсайханы хар морь
2. Говь-Алтай аймгийн Шарга сумын уугуул Намсрайжавын Зоригтын хул морь
3. Булган аймгийн Могод сум, аймгийн алдарт уяач Нмясүрэнгийн Базаргарьдын хонгор халзан морь. Энэхүү морийг алдарт уяач Т.Цатцоож уяж хурдлууллаа.
4. Дундговь аймгийн Сайнцагаан сумын харьяат, аймгийн алдарт уяач Адъяагийн Мөнхбаярын хавчиг загал морь хурдаллаа. Энэ загал морь Сүхбаатар аймгийн Уулбаян сумын Дагвадоржийн унаган адуу.
5. Манлай уяач Галын Баттөмөрийн бор морь хурдаллаа. Энэхүү хурдан ажнай хоёр жил дараалан айрагдаж байна.
Азарга: (148 азарга)
1. Тод манлай уяач Дагвадоржийн Цэрэнжигмэдийн сөнгө зээрд азарга
2. Хөвсгөл аймгийн Мөрөн сумын харьяат, аймгийн алдарт уяач Т.Болдбаатарын халиун азарга
3. Өмнөговь аймгийн Цогтцэций сумын харьяат, аймгийн алдарт уяач Х.Түмэнбаярын хонгор азарга
4. Орхон аймгийн алдарт уяач Д.Дэлгэрбаярын хонгор азарга
5. Орхон аймгийн уяач Гомбосүрэнгийн Баярцогтын хүрэн азарга айргийн тавд хурдаллаа.
Соёолон: (160 гаруй хурдан соёолон)
1. Өмнөговь аймгийн Даланзадгад сумын харьяат, аймгийн алдарт уяач Б.Бадраагийн хар үрээ. Тод манлай уяач Агваансамдангийг Батсүх уяж, хурдлуулжээ.
2. Манлай уяач Дамбын Хишигжаргалын цагаан үрээ
3. Манлай уяач Ононгийн Батбилэгийн зээрд үрээ
4. Төв аймгийн Угтаалцайдам сумын Баттөрийн халиун үрээ
5. Дашдоржын уясан үрээ тус тус хурдаллаа.