Монгол Улсын Дархан Аварга А.Сүхбат болон Олон Улсын шатрын Их мастер А.Энхтуул нар шатраар халз тулахаар болжээ. Энэ талаар Олон Улсын шатрын Их мастер А.Энхтуул өөрийн цахим хуудсандаа бичсэн байна. Тэрбээр “Миний бие 5D фитнесс клубт өнөөдөр 17.30 цагаас Монгол Улсын Дархан Аварга А.Сүхбаттай шатрын халз тоглолт тоглохоор боллоо. Биеийн хүчний спортыг оюуны спорттой хослуулан нэгэн зэрэг хүчний дасгал хийхийн хажуугаар шатрын түргэн тоглолт тоглох юм. Олон улсад алдаршсан энэхүү тоглолтыг CrossFit Chess гэж нэрлэдэг билээ. Тун сонирхолтой тоглолт болно гэдэгт итгэлтэй байна. Тоглолтыг үзэхийг хүссэн хүн бүрт нээлттэй” гэжээ.