Нийслэлийн онцгой байдлын газар гал түймрийн таван дуудлагатай хоножээ. Тодруулбал, Чингэлтэй дүүргийн 18 дугаар хороо, Яргайтын 2 дугаар гудамжийн 8 тоотод иргэн Т-ийн 5х8 метрийн хэмжээтэй байшингийн дээврийн хэсэг шатаж байна гэсэн дуудлагыг өчигдөр өдрийн 11:47 хүлээн авч Аврах, гал унтраах 34 дүгээр ангийн 7 албан хаагч унтраасан байна. Мөн Баянзүрх дүүргийн 23 дугаар хороо, Ерөнхий боловсролын 87 дугаар дунд сургуулийн дэргэд шонгийн мод шатаж байна гэсэн дуудлагыг өчигдөр орой 20:23 цагт хүлээн авч Аврах, гал унтраах 35 дугаар ангийн 7 албан хаагч унтраажээ.
Баянзүрх дүүргийн 9 дүгээр хороо, Шархадны 45 дугаар гудамжийн 678 тоотод иргэн У-ын байшингийн дээврийн хэсэг шатаж байна гэсэн дуудлагыг 21:39 цагтхүлээн авч Аврах, гал унтраах 63 дугаар ангийн 7 албан хаагч ажиллаж унтраасан байна. Хан-Уул дүүргийн 12 дугаар хороо, Сонгинын 29 дүгээр гудамжийн 351 тоотод иргэн Э-ийн байшингийн дээврийн хэсэг шатаж байна гэсэн дуудлагыг өнөө шөнийн 01:46 цагт хүлээн авч Аврах, гал унтраах 30 дугаар ангийн 7 албан хаагч, Налайх дүүргийн 7 дугаар хороо, Өвөр шандын 19 дүгээр гудамжийн 10 тоотод иргэн Д-ийн гэр, иргэн Б-ийн амбаар шатаж байна гэсэн дуудлагыг өнөө өглөө үүрээр хүлээн авч Аврах, гал унтраах 28 дугаар ангийн 7 албан хаагч тус тус ажиллаж унтраасан аж.