Ноён уулаа аврахаар иргэд өлсгөлөн зарлаад байгаа. Тэд зургаа хоног буюу 160 шахам цаг өлсөж байна. Өнөөдөр ар гэрийнхэн нь эргэж, тэдэнтэй уулзжээ. Нялх балчир хүүхдээс эхлээд нас дээр гарсан аав, ээж нар нь эргэж ирсэн гэнэ.
Сар шинэ хаяанд тулсан энэ цагт ар гэрийнхэн нь хайртай хүмүүсээ өлсгөлөн зарлуулахыг хүсээгүй ч байгаль дэлхийгээ хамгаалах гэсэн зоригийг нь тун ихээр үнэлж, тэднээрээ бахархаж байгаагаа хэлжээ.