– Монгол БНХАУ-ын хоккейчид маргааш VII байрын төлөө тоглоно.-
ОХУ-ын Хабаровск хотноо болж буй бөмбөгтэй хоккейн Дэлхийн аварга шалгаруулах тэмцээнд оролцож буй манай хоккейчид хагас шигшээд өрсөлдөх эрхийн төлөө Латвийн багтай өнөөдөр тоглосон ч 5:11-ээр хожигдлоо. Латвийн баг Унгарын багтай шигшээд өрсөлдөх эрхийн төлөө тоглох юм. Нөгөө хэсгээс Эстони, Нидерландын багууд шалгарчээ.
Манайхан тоглолтыг муугүй эхэлсэн ч дунд үед дараалан гоол алдсанаар эмх цэгцээ алдаж, улмаар хоёр ч тоглогч талбайгаас хөөгджээ. Хүн дутуу ч тоглолтоо дуусгасан байна.
Харин манай хоккейчид маргааш БНХАУ-тай VII байрын төлөө тоглох юм.
ДАШТ-ий “В” ангилалд есөн баг өрсөлдөж байгаагаас “А” хэсэгт Япон, Латви, Эстони, Унгар, “В” хэсэгт Монгол, Нидерланд, Герман, БНХАУ, Сомали улсын багууд багтсан.
Монголын шигшээ багийн ахлагч Ч.Пүрэвдаваагаар удирдуулсан манай хоккейчид хэсэгтээ БНХАУ, Сомалийг хожиж, Нидерландтай тэнцэн, Германд хожигдож, хэсгийн гуравдугаар байраар шалгарсан юм. Энэ хэсгийг Нидерланд тэргүүлсэн бол Герман, Монгол, БНХАУ удаалав. Сомалийн баг нэг ч хожил авалгүй тэмцээнээ өндөрлүүллээ.
II.01
Монгол –БНХАУ 3:2
Герман – Монгол 4:2
II.02
Монгол – Сомали 14:0
II.03
Нидерланд – Монгол 0:0 (Тоглолтын бичлэгийг ЭНД-с үзнэ үү.)
II.04
Латви – Монгол 11:5
II.05
V байрын төлөө Герман -Япон
VII байрын төлөө БНХАУ- Монгол
Хагас шигшээ:
Эстони-Нидерланд
Латви-Унгар
