Британийн иргэн эмэгтэй үрчлээтэй болохгүйн тулд 40 жилийн турш инээгээгүй тухай The Daily Mail сонин бичжээ. Тесс Кристиан (Tess Christian) гэдэг эмэгтэй 10 настайгаасаа эхлэн албаар инээхээ больсон байна.
Одоо 50 хүрч байгаа эмэгтэйн яриагаар энэ арга нь ботокс шахуулснаас хамаагүй дээр ажээ. Хөгшрөлтийн эсрэг хөтөлбөрийнхөө анхны үр дүнг тэрээр 40 насандаа харсан гэнэ. Үеийнхнээсээ хамаагүй залуухан харагдаж байжээ. Тэрээр өөрийн аргаа яг барьж ирсэн гэнэ. Охиноо төрөхөд ч инээгүй ажээ.
Түүний найз эрэгтэйд инээмтгий биш байдал нь таалагддаг бөгөөд харин найз нар нь түүнийг “Моно Лиза” гэж нэрлэсэн гэнэ.