Орон орны иргэд залуужуулах, урт наслах өөр өөрийн жортой байдаг. Шинжлэх ухааны нотолгоо, амьдралыг үзэх үзэл, уламжлалт арга ухаан зэргээс үүдэн урт наслахын жор нь өөр өөр байдаг байна. Жишээлбэл, зарим улсын иргэд урт наслахын гол нууц жор нь боловсрол гэдэг бол зарим нь шингэнийг их хэрэглэх, амьтан тэр дундаа муур тэжээх жортой байдаг гэнэ. Ингээд зарим
сонирхолтой жорнуудаас сонирхуулахад:
Англичуудын жор: Британийн эрдэмтэд, жирийн иргэд хувь хүний боловсролын түвшин нь тухайн хүний урт наслах жор болдог гэдэгт итгэдэг байна. Тэдний хийсэн судалгаа, ажиглалтаар ерөнхий боловсролын сургуулиа төгсч чадаагүй дундаас нь хаясан хүмүүссургуулиа амжилттай төгссөн хүмүүсээс хамаагүй бага насалдаг гэнэ. Сургуулиа төгсч чадаагүй хүмүүсийн дийлэнх нь амьдралын буруу хэвшил, буруу хооллолт, биеэ гаргуунд нь гаргаснаас болж сургуулиа амжилттай төгссөн хүмүүсээс дунджаар 9,3 жил богино насалдаг байна. Энэ сонирхолтой жорын нууцыг Кембрижийн эрдэмтэн мэргэд хийсэн төдийгүй урт наслахыг хүсвэл дээд боловсрол эзэмших хэрэгтэй гэсэн зөвлөмжийг хүртэл гаргасан байна.
Германчуудын жор: Германы жирийн иргэд эрүүл байж урт наслахын гол нууц жорыг 7 хоногт хамгийн багаар бодоход 3 удаа загас наадуулахад оршдог гэж үздэг байна. Ийм маягаар 10 жил гармонио ялгаруулж чадвал үхэлд хүргэх өвчлөлийн эрсдэл 50 хувиар буурч, 7-12 насаар залуу харагддаг гэнэ.
Францчуудын жор: Амттан бага хэрэглэ. Чихэрлэг хүнсний бүтээгдэхүүн нь арьсанд агуулагдах коллаген, эластиныг гэмтээдэг учир амттанаас аль болох зайлсхийх хэрэгтэй. Үүнийхээ оронд чихрээр нүүрэндээ маск тавьж үрчлээнээс хамгаалах хэрэгтэй гэж тэд үздэг байна.
Канадуудын жор: Канадын сэтгэл зүйчид амьдралаа 6 насаар уртасгахыг хүсэгчдэд дараах зөвлөгөөг өгдөг байна. Энэ нь:
-Муур тэжээх
-Уурлаж бухимдахаа больж, нойргүйдлээс сэргийлэх
-Түргэн боловсрох хоолноос зайлсхийж, биеийн жингээ тогтоон барих
-Дээд боловсрол эзэмших
-Өөрийгөө баяр жаргалтай байж чадах сайн нөхөр, сайн эхнэртэй болох гэсэн 6 зөвлөгөөг өгдөг байна.
Андоррчуудын жор: Европын энэ жижигхэн улсын иргэдийн дундаж наслалт нь 83 байдаг. Тэдний үздэгээр ирээдүйн хань нөхрөө сонгохын тулд ээж, аавынх нь насжилтыг харах хэрэгтэй байдаг гэнэ. Хэний ээж, ааь илүү урт насалсан байна үр хүүхдүүд нь төдий чинээ урт насалдаг гэж үздэг байна.
Энэтхэгчүүдийн жор: Хүний биед шингэн дутагдснаар үрчлээ суудаг болохыг эрдэмтэд хэдийнээ судлаад гарчихсан. Энэтхэгчүүдийн хувьд үүнийг усан үзэм үзэм болж хувирахтай адилтгадаг байна. Үрчлээнээс зайлсхийхийн тулд тэд өдөртөө 2 литр шингэн уухыг зөвлөдөг. Хүний биеийн шингэн нь хэвийн хэмжээнд байх үед элдэв төрлийн өвчин эмгэгээс хамгаалагдаж урт насалдаг гэдэгт Энэтхэгчүүд итгэдэг байна.
Харин таны урт наслахын нууц юу вэ? Цэвэр цэнгэг агаар, байгалийн гаралтай цэвэр хүнсний бүтээгдэхүүн хэрэглэж, биеийн тамирын дасгал хөдөлгөөн хийх нь идэвхтэй амьдралыг тэтгэж, урт наслах бас нэгэн жор гэдгийг энд тэмдэглэе