Экваторын Гвеней улсад зохиогдож байгаа 30 дахь удаагийн Африкийн цом тэмцээн хэсгийн тоглолтуудаа дуусган хасагдах шатанд тоглох найман багаа шалгарууллаа. Нийтдээ 16 баг оролцож байгаа энэ тэмцээний дөрвөн хэсгээс эхний байр эзэлсэн хоёр нь дараачийн шатанд шалгарах дүрэмтэй. Гэтэл D хэсэгт тоглосон Гвеней ба Мали улсын шигшээ багуудын хожил, хожигдол, тэнцээ, бөмбөгний зөрүү зэрэг нь бүгд тэнсэн тул хөлбөмбөгийн түүхэнд ховор тохиолддог жам буюу сугалаагаар азтаныг тодруулав. Тэр азтан нь Гвенейн шигшээ баг байлаа. Хоёр жилд нэг удаа зохиогддог Африкийн цомын энэ удаагийн тэмцээний аварга баг хоёрдугаар сарын 8-д тодорно.
Плей-оффд шалгарсан багууд: Конго, ардчилсан Конго, Кот Д.Ивуар, Алжир, Тунис, экваторын Гвеней, Гана, Гвеней.
Б.ХУЛАН