Согтуу залуу автомашин уруу бензин цацаад шатаачихлаа гэсэн дуудлага мэдээлэл цагдаагийн байгууллагад өчигдөр иржээ. Дуудлагын дагуу шалгахад Баянзүрх дүүргийн наймдугаар хороонд оршин суух 25 настай эрэгтэй Ц гэгчийн тоёото маркын автомашиныг тус дүүргийн 12-р хороонд оршин суух 25 настай эрэгтэй П гэгч нь согтууруулах ундааны зүйл хэрэглэсэн үедээ төлбөрийн мөнгөнөөс болж маргалдан, бензин цацаж, шатааж танхайрсан байжээ. Уг хэргийг Баянзүрх дүүргийн цагдаагийн III хэлтэст шалгаж байна.