Өнгөрсөн зул сарын баяраар нээлтээ хийсэн “Sony Picture” компанийн бүтээл “Ярилцлага”-ыг кино театрууд болон онлайнаар гаргахгүй байхыг Хойд Солонгосын “Хөдөлмөрийн нам”-аас мэдэгдэж, шаардах хуудас явуулсан тухай “www.dailymail.co.uk” мэдээллээ. Тус шаардах бичигт “Хойд Солонгосын гурав дахь үеийн удирдагч Ким Чен Уныг гутаан доромжилж, ард түмнийг минь айдаст автуулж буй “Ярилцлага” киног нэн даруй гаргахаа зогсоохгүй бол олон улсын хүний эрхийн байгууллагад хандах, цаашлаад шүүхэд гомдол гаргахаа мэдэгдье. Мөн “Sony Picture”-ийн кибер халдлагыг Хойд Солонгостой холбож буй ямар ч гүрэнтэй дайтахад бэлэн. Бид энэ асуудалтай ямар ч холбоогүй” гэжээ.
АНУ-ын Ерөнхийлөгч Барак Обама өчигдөр мэдэгдэл хийх үеэрээ “Sony Picture”-ийн хохирлыг Хойд Солонгос барагдуулахгүй бол эдийн засгийн хориг арга хэмжээ авахаа сануулсан юм. “Ярилцлага” кино нээлтээ хийсэн даруйдаа Америкийн гурван кино чартад эхний таван байрт жагсаад буй. Өнөөдрийн байдлаар нийт 127 сая ам.долларын ашиг олжээ. “Sony”-ийн удирдлагууд энэ сарын 15-наас Америкийн томоохон хотуудын кино театруудад нээлтээ хийхээ мэдэгджээ.