Монголын Үндэсний Олон нийтийн радио телевизийн захирал М.Наранбаатарыг ажлаас нь чөлөөлөх шийдвэр гарсан байна. Тус телевизийн үндэсний зөвлөлийн хуралдаан шинэ оны хоёрдахь өдөр болсон бөгөөд ийнхүү М.Наранбаатарыг үүрэгт ажлаас чөлөөлөх шийдвэр гаргажээ. 2012 оны наймдугаар сарын 28-ны өдөр МҮОНРТВ-ийн үндэсний зөвлөл хуралдаж М.Наранбаатарыг улираан томилж байсан юм. Тэгвэл бүрэн эрхийн хугацаа гурван жил үргэлжилдэг тул 2015 он гарангуут түүнийг чөлөөлөх шийдвэрийг гаргасан байна. Тэрбээр нэг сарын 2-ны өдөр ажлаас чөлөөлөгдөх хүсэлтээ гаргасан бөгөөд энэ сарын тавны өдрөөр түүний ажлыг тасалбар болгож чөлөөлөхөөр болжээ.