Манай Онцгой байдлын албанд Австри улсын Засгийн газрын хөнгөлөлттэй зээлийн хөрөнгөөр гал унтраах иж бүрэн хэрэгсэл нийлүүлэхээр төлөвлөж байна. Монгол-Австрийн Засгийн газар хооронд байгуулсан санхүүгийн хамтын ажиллагааны хүрээнд дээрх төслийг хэрэгжүүлэх юм. Улсын хэмжээнд аврах, гал унтраах зориулалтын 198 автомашин байгаагийн 55 хувь нь 1967-1990 онд үйлдвэрлэсэн, эдэлгээний норм, хугацаа дууссан техник байгаа юм.