Сүүлийн үед МҮОНРТ юу хийдэг бусад телевизүүд юу хийдэггүй талаарх маргааныг МҮОНРТ-ын уран бүтээлч бий болгоод байна. Тэдний энэ мэдээлэлд зарим телевизүүд эсэргүүцлээ илэрхийлээд эхэлжээ.
Өчигдөр NTV телевиз тус асуудал дээр өөрсдийн байр сууриа илэрхийлсэн байна. Тэд “өнөөдөр МҮОНРТ-ийнхэн өөрсдийгөө дөвийлгөж, бусад телевизүүд муу нэвтрүүлэг хийдэг мэтээр ярих боллоо. Гэтэл арилжааны гэх тодотголтой өргөн нэвтрүүлгийнхэн хэрхэн ажилладагийг умартсан байна.
Тэд өөрсдийгөө “Монгол Улсад үйл ажиллагаагаа явуулж байгаа телевизүүд дундаас манай МҮОНТ шиг нэвтрүүлгийнхээ 90 гаруй хувиа өөрсдөө хийдэг телевиз монголд байхгүй, Бид хил дээр ч малчны хотонд ч монгол орны хаана ч очиж мэдээ, мэдээлэл бэлтгэдэг бидний явсан газарт өөр телевиз очдоггүй бидэнд шиг ард түмний зовлон жаргалыг нь сонсдог телевиз биднээс өөр монголд байдаггүй, 100 хүнтэй байгууллагыг телевиз гэдэг юмуу” зэргээр өөрсдийгөө дөвийлгөж БУСАДЫГ ҮГҮЙСГЭХ НЬ ХЭНД АШИГТАЙ ВЭ.
Хөдөө орон нутагт арилжааны телевизүүд очиж ажилладаггүй, Солонгос кино гаргаад сууж байдаг мэтээр аашилж байна. NTV телевизийн хувьд байгуулагдсан цагаасаа солонгос кино гаргаж байгаагүй бид олон ангит киног хууль ёсны тусгай зөвшөөрөлтэй гаргадаг, NTV телевиз хөдөөгийн баясгалан цуврал шоу хийж, малчны хотноос олон багц сурвалжлага бэлтгэн хүргэж байлаа. Үүний зэрэгцээ хот айлд зочилсон тэмдэглэл, гадаадын иргэдийг малчны хотонд хонуулах зэрэг шоу цэнгээнт нэвтрүүлгийг тогтмол хийж байна. Ийм байхад бусдыг үгүйсгэх болохгүй.
Мөн дэлхийд нэр хүндтэй дөрвөн том хөлбөмбөгийн лигийн тэмцээнийг албан ёсны эрхтэй, нэмэлт төлбөргүйгээр үзэгчдэдээ NTV телевиз хүргэж байна. Гэтэл МҮОНТ ингэж гаргаж байгаагүй шүү дээ” гэжээ.