Чингисийн талбайн хоёр дахь мөсөн гулгуурын талбай өнөөдөр ашиглалтад орно. Улаанбаатар хотын Захирагчийн ажлын албанаас хүүхэд багачуудад зориулан энэ сарын 18-нд төв талбайд мөсөн гулгуурын талбайг ашиглалтад оруулсан юм.
Харин Нийслэлийн Засаг даргын Тамгын газар, “Мобиком” корпараци болон “Соунд оф Монголиа” компанитай хамтран стандартын шаардлагад нийцсэн, биеийн спортоор хичээллэх, уралдаан тэмцээн зохион байгуулах боломжтой зориулалт бүхий мөсөн гулгуурын талбайг Чингисийн талбайн баруун урд хэсэгт засч эхэллээ.
Энэхүү мөсөн гулгуурын талбай нь 30х60 хэмжээтэй, эрэгтэй, эмэгтэй гэж тусдаа 2хувцас солих байртай, кофе шоп ажиллах бөгөөд өнөөдрөөс ашиглалтад оруулахаар төлөвлөжээ. Талбайн ашиглалтыг Монголын хоккейн холбоооны мэргэжлийн залуус хариуцаж ажиллах аж.