Сонгинохайрхан дүүргийн нутаг дэвсгэрт машин дотроо мансууруулах бодис хэрэглэж байсан 27 настай эмэгтэй үйлдэл дээрээ баригджээ. Цагдаагийн албаныхан түүний машинаас тунгалаг өнгийн талст хэлбэртэй жижиг гялгар ууттай бодис, хар хүрэн өнгийн тунгалаг бодис зэргийг хураан авсан байна. Уг хэргийг тус дүүргийн цагдаагийн хэлтэс эрүү үүсгэн шалгаж байгаа гэнэ.