Монгол Улсын Шинжлэх ухааны академиас олон нийтийг соён гэгээрүүлэх, шинжлэх ухааныг олон нийтэд сурталчлан таниулах эрхэм зорилгын хүрээнд “Академичдын цуврал лекц”-ийг жил бүр зохион байгуулдаг билээ. Тус цувралын 21 дэх удаагийн лекцийг Чингисийн одонт, Шинжлэх ухааны гавьяат зүтгэлтэн, Төрийн шагналт, Академич Х.Намсрай залуу эрдэмтдэд зориулан сонордуулахаар болжээ. “Орчин үеийн физикийн шинжлэх ухаан ба ирээдүйн авьяасыг нээх зарим арга зам жишээнүүд” сэдэвт лекц өнөөдөр 15.00 цагт Тусгаар тогтнолын ордонд нээлттэй болох юм байна. Тус лекцийг Монгол Улсын Шинжлэх ухааны академи, Монголын залуу эрдэмтдийн холбоо, МАН, МҮОНРТ болон Монголын залуу эрдэмтдийг дэмжих сан зэрэг байгууллага хамтран зохион байгуулах юм.
Э.ЭНХ