Францын дуудлага худалдаа эрхэлдэг Сотби компани өнгөрсөн өчигдөр Монголын анхдугаар Богд Занабазарын 17 дугаар зуунд бүтээсэн хүрэл цутгамал Ногоон дарь эхийг дуудлага худалдаагаар заржээ. Уг дуудлага худалдааны талаар “Өдрийн сонин” пүрэв гаригийн дугаартаа мэдээлсэн билээ.
Сотби компанийн зохион байгуулсан дуудлага худалдаагаар Ногоон дарь эх 3.46 сая евро буюу 4.3 сая ам.доллараар зарагдсан байна. Судлаачид энэхүү бүтээлийг 300 мянган евро хүрнэ хэмээн тооцоолж байсан гэдэг.