МАН-ын II Бага хурал өчигдөр Тусгаар тогтнолын ордонд хуралдаж өндөрлөлөө. Хурлын дараа МАН-ын хэвлэл мэдээлэл, олон нийттэй харилцах асуудал хариуцсан нарийн бичгийн дарга Т.Гантулга мэдээлэл хийсэн юм. Тэрээр “МАН-ын Бага хурал нь 310 гишүүнтэйгээс санал хураах мөчид 75 хувийн ирцтэйгээр хуралдаж, олонхийн шийдвэрээр Засагт хамтрах шийдвэр гаргалаа. МАН улс төржихгүйгээр улс, ирээдүйгээ бодож, хамтарч ажиллах урилгыг хүлээн авлаа, хямралыг хамтын хүчээр давахаар болж ийм шийдвэр гаргалаа” хэмээн мэдэгдсэн юм.