Н.Түвшинбаяр өнөөдөр барилдана

БНСУ-ын Чэжү хотноо Олимпийн эрхийн оноо цуглуулах энэ оны хамгийн сүүлийн тэмцээн болж, дэлхийн 42 орны жүдочид өрсөлдөж байгаа билээ. Манай улсын тамирчид тэмцээний гурван өдрийн дараах байдлаар гурван хүрэл медаль хүртжээ. Тэмцээний сүүлийн өдөр буюу өнөөдөр эрэгтэйчүүдийн 90 кг, 100 кг, +100 кг, эмэгтэйчүүдийн 78, +78 кг жингийн барилдаанууд болно. Эрэгтэйчүүдийн 90 кг-д Хөдөлмөрийн баатар, гавьяат тамирчин Н.Түвшинбаяр, ОУХМ Э.Энхбат нар барилдах бол +100 кг-д ОУХМ Б.Тэмүүлэн, ОУХМ Ө.Дүүрэнбаяр нар Чэжүгийн татамид хүч үзнэ. Харин эмэгтэйчүүдийн +78 кг-д Б.Мөнхтуяа барилдана.