Азийн элсний спортын 4-р наадам Тайландын Пукет аралд үргэлжилж байна. “Пукет-2014” элсний наадмын найман төрөлд 34 тамирчны бүрэлдэхүүнтэй оролцож буй Монголын шигшээ баг дөрвөн өдрийн дараах байдлаар 6 алтан медальтай /Самбо, жюү жицү бөхийн төрөлд 6 алт, 2 хүрэл медаль хүртсэн/ наадмыг тэргүүлсэн хэвээр байна.
Өнөөдөр сагсан бөмбөг /3×3/ кураш, элсний бөхийн тэмцээнд Монголын тамирчид өрсөлдөж байна. Эрэгтэй сагсчдын хувьд Тайланд, Бутан, БНХАУ, Энэтхэг, Лоасын багтай нэг хэсэгт таарсан бол эмэгтэйчүүд БНХАУ, Филппин, Энэтхэгтэй өрсөлдөх юм.
Өнөөдөр манай сагсан бөмбөгийн эрэгтэй баг Тайландын сагсчидтай өрсөлдөж, 12:14 харьцаагаар ялагдлаа. Харин эмэгтэйчүүдийн хувьд БНХАУ-ын багтай тоглож, 13:18 харьцаагаар тэмцээнийг дуусгажээ. Сагсчиддаа дараагийн тоглолтод нь амжилт хүсье.
“Пукет-2014” элсний наадамд Азийн 45 орны тамирчид спортын 17 төрлөөр өрсөлдөж байна.