Азийн оюутны аварга шалгаруулах эрэгтэй сагсан бөмбөгийн V тэмцээн Тайваний Тайпей хотноо үргэлжилж байна. Манай сагсчид тэмцээний эхний тоглолтоо Хятадын багтай хийж 52:66 –ийн харьцаатай ялагдал хүлээсэн. Өчигдөр манай сагсны шигшээ баг Тайванийн багийг 73:66 –ийн харьцаатай буулгаж авлаа. Ингэснээр манай улс нэг хожил, нэг хожигдолтойгоор хэсгийнхээ хоёрдугаар байранд бичигдэж байна. Тэд өнөөдөр Макаогийн шигшээ багтай тоглоно.