2016 онд Бразилийн Рио-де-Жанейро хотод болох олимпийн наадамд оролцох эрх олгох жүдо бөхийн оноо олгох цуврал тэмцээнүүд эхэлснээр тамирчдын чансаанд өөрчлөлт орж эхлээд байна. Жүдо бөхийн олон улсын холбооноос жин тус бүрт тамирчдын чансааг шинэчлэн гаргахад эрэгтэйчүүдийн 60 кг-ын жинд манай Г.Болдбаатар 6276 оноотойгоор тэргүүлж, Д.Амартүвшин 1520 оноотой мөн жинд зургадугаарт жагсчээ.
66 кг-д Д.Төмөрхүлэг 1898 оноотой гуравт, 73 кг-д Х.Цагаанбаатар 1360 оноотой зургаад, С.Ням-Очир 1292 оноотой долоод, -100 кг-д Н.Түвшинбаяр 1176 оноотой есөд тус тус бичигдэж байна. Тэгвэл эмэгтэйчүүдээс 48 кг-д М.Уранцэцэг 2893 оноогоор жиндээ дэлхийн чансааг тэргүүлжээ.