Ус сувгийн удирдах газрын харьяа Төв цэвэрлэх байгууламжийн таван метрийн гүн лагийн худгийг цэвэрлэхээр орсон залуу хорт хийнд цохиулж ухаан алдсан. Түүнийг аврахаар орсон өөр нэг ажилтан мөн л хорт хийнд цохиулж эмнэлэгт хүргэгдсэн талаар мэдээлэл гарчээ. Уг мэдээллийн мөрөөр Ус сувгийн удирдах газрын хэвлэл мэдээлэл хариуцсан мэргэжилтэнтэй холбогдоход “Лагийн талбайд осол гарсан. Хоёр хүн гэмтлийн эмнэлэгт хүргэгдсэн. Биеийн байдал тааруу байна” гэснээс өөр дэлгэрэнгүй мэдээлэл өгсөнгүй.