Баянзүрх дүүргийн АН өчигдөр хуралдаж УИХ-ын гишүн Ж.Батзанданг намаасаа хөөх талаар хэлэлцсэн гэх мэдээлэл ирлээ. Тэрбээр Ерөнхий сайд Н.Алтанхуягийг огцруулах бичигт гарын үсэг зурсан нь ийм асуудал үүсгэжээ.
Тодруулбал УИХ-ын нэр бүхий 28 гишүүн Ерөнхий сайд цаашлаад Засгийн газрыг огцруулах хуулийн төслийг өргөн барьсан бөгөөд уг бичигт сөрөг хүчин болох МАН-ын гишүүдээс гадна УИХ-ын гишүүн Ж.Батзандан, Л.Цог нар мөн гарын үсэг зурсан юм.
Одоогоор Баянзүрх дүүргийн АН Ж.Батзандан гишүүнийг намаасаа хөөх эсэх талаар ямар шийдвэр гаргасан нь тодорхойгүй байна. Дашрамд дурьдахад урд өмнө нь УИХ-ын гишүүн Р.Бурмаа “Давхар дээл”-ний хуулийн асуудлаар намынхаа эсрэг санал өгснөөр мөн хөөгдөх дээрээ тулж, намын Хяналтын хорооны хурлаар асуудлыг хэлэлцэж байсан билээ. Энэ удаад ч мөн адил Ж.Батзандан гишүүний асуудлыг АН-ын Хяналтын зөвлөл авч хэлэлцэж магадгүй юм.