“Хүүхдийн төлөө өндөрт нисье” нэртэй дэлхийг тойрсон агаарын бөмбөлөгтэй аялал өнөөдөр монголд ирлээ. НҮБ-ын Хүүхдийн сангийн дэмжлэгтэй хэрэгжиж байгаа тус аялалыг Шинэ Зеланд улсын иргэн Эндрью Паркер анх санаачилжээ.
Тэрээр дэлхийн 100 гаруй улсад халуун агаараар ажилладаг нисдэг бөмбөлөгийг хөөргөх бөгөөд ингэхдээ НҮБ-ын Хүүхдийн сангаас боловсролын салбарт хэрэгжүүлж буй олон төсөл хөтөлбөрийг сурталчилан тус хөтөлбөрүүдэд зориулан нэг сая долларын хөрөнгө босгох төлөвлөгөөтэй ажээ.
Харин энэ удаагийн Монгол Улсад болж буй арга хэмжээ нь хөгжлийн бэрхшээлтэй хүүхдүүдийг боловсролд тэгш хамруулахын төлөө “Хамтдаа сурч, хөгжье” уриан дор өнөөдөр Чингисийн талбайд болж байна. Тус аждыг БШУЯ, Хүүхдийн төлөө үндэсний газар, Сэргээн засалт, хөгжлийн үндэсний төв, Хөгжлийн бэрхшээлтэй хүүхдүүдийн эцэг эхчүүдийн холбоо, “Түгээмэл хөгжил” ТББ, “Монголын Дауны холбоо” ТББ, НҮБ-ын Залуучуудын зөвлөх хороо, 29, 70-р дунд сургууль, ШИнэ эрин сургуулиуд хамтран зохион байгуулж байгаа юм.
Өнөөдрийн байдлаар манай улсад хөгжлийн бэрхшээлтэй 32 мянган хүүхэд байгаагийн тал хүрэхгүй хувь нь л сургуульд сур байгаа гэсэн судалгаа байдаг аж. Хөгжлийн бэрхшээлтэй хүүхдүүдийг тусгай сургуульд сургах биш ердийн сургуульд бусад хүүхдүүдийн хамт суралцуулах нь тэднийг хөгжиж боловсроход илүү үр дүнтэй гэдгийг албаныхан онцолж байлаа.