Зууны манлай эстрадын дуучин Б.Сарантуяа хүүхдийн дуу бичлэгийн студи нээхээр төлөвлөжээ. Хулан охиндоо зориулж нээх тус студи нь “New Star” студиэс өрх тусгаарлан мэндлэх бөгөөд “Little Star” нэртэй байх гэнэ. Студи дэргэдээ найрал дууны дугуйлан ажиллуулах юм байна. Учир нь поп хатагтай “Гэгээн оддын эрэлд” хүүхдийн урлагийн тэмцээнийг шүүх үеэрээ тэдэнд зориулсан мэргэжлийн студи байхгүй, үнэ ханшийн хувьд ч өндөр үнэтэйгээс болоод тэр бүр мэргэжлийн студид хандаж чадахгүй байгааг олж харсан байна. Тиймээс хүүхдэд зориулсан энэхүү мэргэжлийн студийг нээхээр болжээ. Тэрээр студийнхээ дэргэд дугуйлан хичээллүүлж, бяцхан авьяастнууддаа мэргэжлийн зөвлөгөө өгөх гэнэ.
Categories