Сагсан бөмбөгийн шигшээ багийн тамирчин Т.Санчирт Японы улсын лигт тоглох санал ирсэн талаар мэдээлэл өнөөдөр өглөө цахим ертөнцөөр тархсан билээ. Тэгвэл шигшээ багийн дасгалжуулагч О.Баярцогт уг асуудлыг үгүйсгэсэнгүй. Өөрөөр хэлбэл, өчигдөр орой сагсчин Т.Санчир руу Японоос утсаар ярьжээ. Гэхдээ ямар цалин хангамжтай байх талаар нарийн ярилцаагүй байна. Энэ талаар Т.Санчир дасгалжуулагчдаа хэлжээ. Дасгалжуулагчийнх нь хувьд үнэхээр сайхан нөхцөл амлах юм бол залуу хүн явах нь зүйтэй гэсэн байр суурьтай байгаагаа ч мөн илэрхийлжээ.