Азийн зуны спортын XVII наадам БНСУ-ын Инчён хотод 13 дахь өдрөө үргэлжилж байна. Дөнгөж сая Монголын баг тамирчдаас боксын эрэгтэйчүүдийн 60 кг-ын жинд Д.Отгондалай Японы Сатоши Шимизүтэй мөнгөн медалийн төлөө тулалдаж, ялалт байгууллаа. Тэрээр өрсөлдөгчөө гурван үеийн турш 30:27, 30:27, 30:27-ын харьцаагаар илүүрхэн хожлоо.
Д.Отгондалай маргааш алтан медалийн төлөө Йордан, Филиппиний боксчдын хожсонтой нь тулалдах юм.
Монголын боксын шигшээ багийн тамирчдаас эмэгтэйчүүдийн 51 кг-ын жинд ОУХМ Мягмардуламын Нандинцэцэг хүрэл медаль хүртсэн бол эрэгтэйчүүдийн 60 кг-ын жинд Д.Отгондалай мөнгөн медалийн болзол хангаж, алтан медалийн төлөө тулалдахаар шалгарлаа.