ДЭМБ-ын дарга захирал Маргарет Чанг “ВВС” агентлагт өгсөн ярилцлагынхаа үеэр Баруун Африкийн орнуудад дэгдсэн эбола вирусын улмаас 3338 хүн амиа алдаж, 7718 хүн халдвар авсан гэжээ. Тэрбээр “Халдвар авсан хүмүүсийн дотор 0-1 насны 327 нярай байгаа. Мөн 5-18 насны 1101 хүүхэд эболагийн халдвар авсан. Халдвар авсан нярайн эцэг эх нь эбола туссан нь шинжилгээгээр тодорхой болсон. Эбола вирус хөхний сүүгээр халдвар тараадаг нь тодорхой боллоо” гэж хэлжээ.
Эболагаар ганцхан долоо хоногийн дотор Либери 310, Сьерра-Леон 290, Гвиней 195, Нигер улсад 59 хүн халдвар авчээ. Тус вирусын халдварыг зогсоохын тулд ДЭМБ-аас дахин 15 сая ам.долларыг төсөвлөжээ. ДЭМБ өнгөрөгч долоодугаар сард 30 сая ам.долларыг гаргасан юм. Мөн Британийн хатан хаан II Элизабет Сьерра-Леон улсад мөнгөн туслалцаа үзүүлэхээр болсон гэж тус улсын Ерөнхий сайд Дэвид Камерон твиттертээ жиргэжээ. ДЭМБ-аас мэдээлсэнээр Сьерра-Леон улсад өдөрт 15-30 хүн шинээр халдвар авч байгаа гэв.