“Цэвэр агаар сан”-гийн захирал Н.Хүрэлсүх, нягтлан бодогч М.Хулан нарын 11 хүнд холбогдох хэргийг Дүүргийн эрүүгийн хэргийн анхан шатны I шүүх өнгөрсөн хоёрдугаар сард хэлэлцэж, гэм буруутай нь тогтоогдсон найман хүнд 1-8 жилийн хорих ял оноож, улсад учруулсан хохирлыг нь төлүүлэх, тодорхой хэмжээний хөрөнгө хураах ял оноосон.
Эл хэрэгт Ерөнхий сайдын охин А.Саранзаяаг холбогдуулан шалгаж байсан ч түүнтэй холбоотой хавтаст хэргийг АТГ-аас прокурорт шилжүүлэн хянаад гэмт хэргийн бүрэлдэхүүнгүй гэсэн үндэслэлээр хэргийг хэрэгсэхгүй болгосон байдаг. Энэ хэргийн талаар бодит баримтанд тулгуурласан үнэнийг үзэгчдэд хүргэх зорилготой “Хачиргүй үнэн” нэвтрүүлгийн хамт олон “Үнэнд гүйцэгдсэн чулуу” нэртэй нэвтрүүлэг хийж А.Саранзаяагаас тайлбар авсан байна.