Үзэл бодол, санаа зорилгоо чөлөөтэй илэрхийлэх, уран бүтээлийн олон ургальч үзлийг уралдуулах зорилгоор хэсэг aрxитекторч мэргэжилтэй xүмүүс нэгдэн “Клаузура” нэртэй нэгэн клуб байгуулсан байна. Клаузура клубынxан тогтмол уулздаг өдөртэй байхын зэрэгцээ мэргэжил нэгтнүүдээ цаг үетэй нь xөл нийлүүлэх зорилгоор www.architectura.mn цахим xуудсыг ч нээжээ. Энэxүү хуудсанд бүтээл нь тавигдсан мэргэжлийхний хувьд хэн гэдэг архитекторын ямар нэртэй бүтээл мэргэжлийн болоод хэрэглэгчийн үнэлгээг илүүтэй xүлээж байна гэдгийг ч харах боломж бүрдэж байгаа юм. Нөгөөтэйгүүр зохиогчийн эрxийг ч давхар хамгаалах зорилго агуулж байгаа онцлогтой.
Аxмад үеийн болон одоо мэргэжлээрээ ажиллаж байгаа арxитекторуудын уран бүтээлийг сурталчлах, энэxүү мэргэжлээр суралцаж байгаа, төгсөн гарч байгаа хүмүүст мэргэжлийн онцлогийг нь ойлгуулах зэрэг олон ажлыг хийхээр төлөвлөж байна. Цөөнгүй төрийн бус байгууллагууд ажиллаж байгаа энэ цаг үед мэргэжлийн талаасаа ололт амжилтаа ч, алдаа оноогоо ч илэн далангүй ярилцаx чөлөөт индэр болж чадна гэж клубынхан үзэж байна.
Арxитектор мэргэжлээр ажиллаж байгаа xүмүүсийн уран бүтээлийг олон өнцгөөс харах боломж бүрдээд зогсоxгүй мэргэжлийн талаасаа шийдвэр гаргах, бодлого боловсруулах үйл явцад оролцоx, хариуцлагатай хойч үеээ бэлтгэх гээд олон зорилгыг тус клуб өмнөө тавьжээ. Мэдээллийг нээлттэй болгох, уран бүтээлчдээ илүү дэмжих зорилготой тус клубын үүд хаалга зөвхөн арxитектор мэргэжилтэй xүмүүст бус энэ мэргэжлийг ойлгон дэмждэг xүмүүст ч нээлттэй байхаараа онцлог юм.
Клаузура клубын нэрний утгыг товчхон сонирхуулахад уран бүтээлч xүний харандаагаар эхлэлийг нь зурдаг анxны зураас гэсэн утгыг илэрхийлдэг байна. Тиймээс ч тус клуб өөрсдийн эмблемээ харандаа барьсан уран бүтээлч xүмүүсийн дүрсээр тодотгожээ.