Азийн зуны спортын XVII наадам БНСУ-ын Инчон хотод найм дахь өдрөө үргэлжилж байна. Өнөөдөр дугуйн 28 км-ын эмэгтэйчүүдийн цуваа гараатай уралдаан болж, Азийн аваргын алт, хүрэл медальт Т.Энхжаргал 40:06.68 минутын амжилтаар зургадугаар байранд шалгарсан юм. Энэ зайд БНСУ-ын тамирчин Азийн наадмын аварга болсон бол БНХАУ, Хонгконгын тамирчид мөнгө, хүрэл медальхүртсэн юм. Манай эмэгтэйчүүдийг дахин бөөн гараатай уралдаан хүлээж байна. Азийн наадамд манайхаас Т.Төгөлдөр, А.Алтансүх, Б.Мягмарсүрэн, Б.Наранхүү, Ц.Солонго, Т.Энхжаргал, Б.Орхонтуяа нарын дугуйчид оролцож байгаа юм.