Мэргэжлийн сүмогийн хамгийн ахмад сэкиторич, гавьяат тамирчин Кёкүтенхо Нямжавын Цэвэгнямын 40 насны төрсөн өдөр өнгөрсөн бямба гаригт тохиолоо. Монголын анхны алтан хараацайнуудын нэг тэрээр 1974 оны есдүгээр сарын 13-нд Налайх дүүрэгт мэндэлжээ. 1992 оны Харү башёгоос эхлэн барилдаж, дөрвөн жилийн дараа жюүрёо зиндаанд дэвшсэн байдаг. Сүмод барилдах хугацаандаа 2002 оны нэгдүгээр сард комүсүби, 2003 оны долдугаар сард сэкивакэ цол хүртсэн юм. Түүнчлэн 2011 онд 37 насандаа макүүчи /дээд/ зиндаанд түрүүлснээр 90 жилийн турш гараагүй түүхийн амжилтын эзэн болсон. Түүний төрсөн өдрөөр Монголын сүмоч Кёкүшүхо, Кайсэй нар Н.Цэвэгнямын нүүрэнд амтат бялуу нялсан нь баяр дээр баяр болсон нь лавтай. Ямартай ч ахмад сүмочийн 40 насны төрсөн өдөр нижгэр болж, сүмочид багагүй наргижээ. 