“Тариаланчдын эсэргүүцлийн
цуглаан” Дархан-Уул аймгийн Хонгор суманд болж байна. Тариаланчид, газар тариалангийн салбарын томоохон аж
ахуйн нэгжүүдийн эзэд нэгдэн нийлжээ. Жагсагчдын тэргүүн эгнээд
“Гацуурт”-ын Л.Чинбат, “Шим”-ийн Л.Цандэлэг гэх
бизнесмэнүүд ч гарч, байр сууриа илэрхийлж байна. Шинэхэн томилогдсон салбарын
сайдынхаа үйл ажиллагааг эсэргүүцэн тариаланчид тэмцлийн хэлбэрийн сонгоод
байна.
Үйлдвэр, хөдөө аж ахуйн шинэ сайд
Ш.Түвдэндорж буудайн үнийг бууруулж, гурилын үйлдвэрүүдэд хямдаар
өгөх ёстой гэж үзсэнээс ийнхүү
эсэргүүцэлтэй тулгараад байгаа юм.
Тариаланчдын
хувьд “Бид
будаагаа хямд өгч чадахгүй. Хэрэв тэгвэл дампуурна. Ийм бодлого хэрэгжүүлвэл
монголд тариа тарих хүн олдохгүй. Хэрэв ингэсэн тохиолдолд
ирэх жил гэхэд газар тариалангийн бүх талбай рапсын талбай болно. Бид ч ашгаа
бодоод рапс тарина” хэмээж байгаа ажээ.
Салбарын
сайдынхаа шийдвэрийг эсэргүүцсэн тариаланчид цаашид ч тэмцлээ үргэлжлүүлнэ
гэдгээ илэрхийлээд байгаа. Тодруулбал, тэд “Тариалан гэж юу вэ?”,
“Тариалан гэж ийм юмыг хэлдэг юм ш дээ”,
“Тариагаар та хооллодог” гэх мэт цуврал хичээл,
үзүүлбэрүүдийг сайддадаа
хандан заана гэдгээ хэлж байгаа гэнэ.