Өмнөговь аймгийн Ханбогд
сумын цэцэрлэг, сургуулийн 60 гаруй хүүхэд хоолны хордлогод өртжээ. Орон
нутгийн эх сурвалжийн мэдээлснээр
есдүгээр сарын 3-нд зарим хүүхдэд хордлогын шинж тэмдэг илэрчээ. Өчигдөр
хүүхдүүд олноороо
хордлогын байдалтай эмнэлэгт хандсан учраас мэргэжлийн
байгууллагууд холбогдох арга хэмжээг авч эхэлсэн байна. Сургуулийн хүүхдүүдээс
гадна цэцэрлэгийн хүүхдүүд ч хордлогод орсон аж. Тиймээс сургуулийн үдийн цай, болон цэцэрлэгийн
хоолноос дээж авч шинжилгээнд өгчээ. Хариу нь хоёр өдрийн дараа гарна. Эхний
өдөр найман хүүхдийн бие хүндэвтэр байсан ч одоо таван хүүхэд эмнэлэгт
эмчлүүлж, бусад нь гэртээ гарчээ.