Арабын Нэгдсэн Эмират улсын Шаржах хотноо дэлхийн шилдэг эмэгтэй шатарчдын гран при тэмцээн үргэлжилж байна. Энэхүү тэмцээнд эх орноо төлөөлөн өрсөлдөж байгаа их мастер Т.Батчимэг зургаа дахь өрөгтөө Армены их мастер Даниелиан Элинатай тоглож, тэнцсэн байна.Тэрбээр тэмцээний тав дахь өрөгт БНХАУ-ын шатарчин Жу Венжунтай тоглож мөн тэнцжээ. Ингэснээр манай шатарчин хоёр хожил, дөрвөн тэнцээтэйгээр тэмцээнээ үргэлжлүүлж байна. Өнөөдөр долоо дахь өрөгт БНХАУ-ын шатарчин Зао Шүетэй оюуны цэц сорино.