Тагнуулын Ерөнхий газрын Сөрөг тагнуулын газрын дарга асан Д.Цогтбаатарт холбогдох хэргийг АТГ-т шалгаж буй. Түүнийг Герман улсаас 12 сая евро залилсан, манай улсад хууль бусаар орж ирээд алга болсон ХБНГУ-ын иргэн М.Л.Клойберийг эрэн сурвалжлах, Германы талд буцаан өгөх ажиллагаа явуулаагүй гэх үндэслэлээр Эрүүгийн хуулийн гурван зүйл ангиар шалгаж байгаа юм. Энэ хэрэгтэй прокурор танилцаад Д.Цогтбаатарт холбогдох залилангийн зүйл ангийг нь хэрэгсэхгүй болгосон байна.