Баруун Африкийн Сьерра-Леон, Либери, Нигери, Гвиней улсад “Эбола” цусархаг халууралт халдварт өвчин дэгдсэн. Тэгвэл Иргэний харьяалал, шилжилт хөдөлгөөний ерөнхий газраас дээрх орнууд руу зорчихгүй байхыг анхаарууллаа.
Өвчний тархалт өндөр байгаа орны нэг болох Бүгд Найрамдах Ардчилсан Конго улс руу Монголын 12 иргэн зорчсон ч эх орондоо эргэн ирсэн юм байна. Тэднийг улсын хилээр шалган нэвтрүүлэхдээ уг өвчнөөр халдварласан эсэх талаар ямар нэгэн сэжигтэй зүйл илрээгүй бөгөөд холбогдох байгууллагууд иргэдийн биеийн байдлыг үргэлжлүүлэн хянаж байгаа аж.
Мөн Иргэний харьяалал, шилжилт хөдөлгөөний ерөнхий газраас халдварт өвчний тархац буурах хүртэл уг өвчин бүртгэгдсэн бүс нутгийн иргэдэд түр хугацаагаар виз олгохгүй байгаа юм байна.