Дэлхийд алдартай АНУ-ын СиЭнЭн мэдээллийн агентлаг Украйны Засгийн газар босогчдод эзлэгдсэн Славянск, Краматорск хотыг эзэлж, буцаан хяналтаа тогтоож буй тухай шуурхай мэдээлжээ. Ингэхдээ тэд дэлгэцийн дүрсэнд Украины нийслэлийг Киев биш Улаанбаатар хэмээн үзүүлж, мэдээлсэн байна. Үүнийг “Санаандгүй алдаа гэж үзэж болохгүй”, “Өдөөн хатгалга” хэмээн Украйны олон иргэн үзэж, дургүйцлээ илэрхийлэх болсон байна. Тиймээс украинчууд СиЭнЭн агентлагт хандаж энэхүү мэдээлэлдээ залруулга хийж, монголчуудаас уучлал гуйхыг хүссэн захиа илгээхээр болсон тухай олон улсын хэвлэлүүд уламжилж байна.