Хурдан хурц морьдынхоо шандсаар гайхагдаж байгаа Дундговь аймгийн Хулд суманд томоохон уралдаан болох гэж байна. Хулд сумын хоёр дахь улсын алдарт уяач Бандиагийн Баярсайхан морин жилийн босгон дээр цолоо гардсан билээ.
Алдарт уяач маань шинэхэн цолныхоо мялаалга наадмыг Хулд сумын төв Улаанжирэм дээр энэ сарын 17-нд хийхээр товложээ. Тус уралдаанд их нас, хязаалангийн уралдаан, суварганы нээлтэд зориулж соёолон уралдах аж.