Австралийн хөрөнгийн биржид бүртгэлтэй “Aspire Mining” болон “Noble Group” хамтран Нүүрстэй ордод өрөмдлөг хийж эхлэх гэж буйг proactiveinvestors.com.au цахим хуудсанд мэдээллээ. Ордын хойд хэсэгт нийт 20 цэгт (дунджаар 100 метрийн гүнд) өрөмдлөг хийх бөгөөд үүнд 500.000 ам.доллар зарцуулах тооцоо гарчээ. Өрөмдлөгийн үр дүнг “Нүүрстэй” төслийн урьдчилсан ТЭЗҮ-ийг бэлтгэхэд ашиглах юм байна. Уг ажлыг энэ сард эхлүүлэн есдүгээр сард дуусгах аж. Улмаар лабораторийн шинжилгээний дүнг дөрөвдүгээр улиралд хүлээн авах гэнэ.
Нүүрстэй орд нь Мөрөн сумаас баруун урд зүгт 10 орчим км зайд, “Aspire Mining”-ийн эзэмшлийн коксжих нүүрсний Овоот ордтой ойролцоо байрладаг аж. “Aspire Mining”-ийн охин компани “Northern Railways” нь Эрдэнэт-Овоотыг холбосон 547 км төмөр замыг концессийн гэрээгээр барих зөвшөөрлийг Засгийн газраас хүлээж буй юм. Нүүрстэй ордын “хар алт”-ыг Мөрөн, Эрдэнэтийн хооронд барьж буй (ирэх оны эцсээр ашиглалтад орох) авто болон төмөр замаар тээвэрлэх боломжтой юм байна. Дээрх мэдээлэл цацагдсаны дараа тус компанийн хувьцааны ханш өчигдөр 5.2 хувиар дээшлэн, 0.040 ам.доллар болсон байна.
“Aspire Mining” нь “Эх говийн чулуу” компанийн 50 хувийг “Xanadu Mines”-аас өнгөрсөн зургадугаар сард худалдан авсан билээ. “Эх говийн чулуу”-гийн үлдэх 50 хувийг “Noble Group” эзэмшдэг байна. “Noble Group” нь “Нүүрстэй” төслийн 60 хувийг эзэмшдэг бөгөөд дээрх тоог 90-д хүргэх боломжтойг өмнө нь мэдээлж байв.
One reply on “Нүүрстэй ордын хайгуулын ажлыг эхлүүлнэ”
you are truly a just right webmaster. The website loading pace is incredible.
It sort of feels that you are doing any distinctive trick.
Moreover, The contents are masterpiece. you have performed a
wonderful process in this matter!