Б.Батмагнай, Б.Хаш-Эрдэнэ нар хүрэл медаль авлаа
Энэ сарын 8-ны өдөр Унгар улсын Печ хотод ХI дэх удаагийн оюутны ДАШТ эхэлж эхний өдөр чөлөөт бөхийн 57, 65, 74, 74 кг-ын жингүүдийн барилдаан болж 57 кг-ын жинд Б.Хаш-Эрдэнэ, 65 кг-ын жинд Б.Батмагнай нар хүрэл медальд хүрлээ.
Т.Түвшинтулга оюутны дэлхийн аварга болжээ
Унгар улсын Печ хотод үргэлжилж байгаа ХI дэх удаагийн оюутны ДАШТ-ний хоёр дахь өдөр эрэгтэй 61, 70, 86, 125, эмэгтэй 48, 55 кг-ын жингүүдийн барилдаан болж 61 кг-ын жинд барилдсан Т.Түвшинтулга оюутны дэлхийн аварга цол хүртэж төрийн дууллаа эгшиглүүллээ. Гавьяат тамирчин О.Пүрэвбаатарын шавь Т.Түвшинтулга нь шувтаргын барилдаанд америкийн бөхтэй ширүүн барилдаан хийж 12:11 онооны харьцаагаар дийлжээ. Т.Түвшинтулга энэ жилийн насанд хүрэгчдийн УАШТ-нд түрүүлсэн нь жирийн хэрэг биш байсныг энэ амжилтаараа нотоллоо. Эрэгтэй чөлөөт бөхийн төрөлд оюутны дэлхийн аварга цолыг хүртсэн дөрөв дэхь бөх боллоо.
Эмэгтэй 48 кг-ын жинд барилдсан Ц.Цэнджав /МУБИС, Налайх дүүрэг/ хүрэл медалийн төлөө барилдаанд ялагджээ.
Тэмцээн үргэлжилж байна.
Оюутны дэлхийн аварга, спортын мастер Түмэнбилэгийн Түвшинтулга
Булган аймгийн Тэшиг суманд 1992 онд төрж 2010 онд Сүхбаатар дүүргийн II дунд сургууль төгссөн.
2007 оноос чөлөөт бөхийн спортоор хичээллэж “Алтайн барс” клубт П.Чулуунбаатар багшийн шавь болж 2010 оноос “Гацуурт-Олимп” клубт Гавьяат тамирчин О.Пүрэвбаатарын удирдлагаар бэлтгэл сургуулилтаа хийж байна.
Өсвөрийн УАШТ-нээс алт, залуучуудын УАШТ-нээс алт, мөнгө, хүрэл, насанд хүрэгчдийн УАШТ-нээс алтан медаль хүртсэн.
2014 онд Унгар улсын Печ хотод болсон оюутны ДАШТ-нээс алтан медаль хүртсэн
Эрэгтэй чөлөөт бөх
57 кг 1. Фумитака Моришита /Япон/
2. Владислав Петров /ОХУ/
3. Бямбадоржийн Хаш-Эрдэнэ /ҮБТДС, “Алдар” спорт хороо/
3. Матт МсДонуч /АНУ/
61 кг 1. Түмэнбилэгийн Түвшинтулга /ҮБТДС, “Гацуурт-Олимп” клуб/
2. В.Ж.Футрелл /АНУ/
3. Исмайл Авси /Турк/
3. Нургин Скрябин /ОХУ/
АНУ-ын бөхийг 12:11 онооны харьцаагаар ялж алтан медаль авчээ.
65 кг 1. Селахатин Килцаляан /Турк/
2. Георге Бусар /Румын/
3. Батчулууны Батмагнай /ҮБТДС, “Ажнай” клуб/
3. Михал Сава /Молдав/
70 кг 1. Евгений Недалько /Молдав/
2. Жеймс Грин /АНУ/
3. Шамилт Магомедов /ОХУ/
3. Зомбор Гуляй /Унгар/
74 кг 1. Тейлор Калдвэл /АНУ/
2. Шамил Имам Османов /ОХУ
3. Муса Гурбаз /Турк/
3. Андрей Нагорный /Украин/
86 кг 1. Пиотр Ланилов /Молдав/
2. Хрис Перри /АНУ/
3. Офир Вернстейн /Израиль/
3. Намик Коркмаз /Турк/
97 кг 1. Фатиф Язарли /Турк/
2. Дустан Килгоре /АНУ/
3. Патрик Дублиновски /Польш/
3. Михало Сабо /Унгар/
125 кг 1. Турель Фортуна /АНУ/
2. Сахир Бозкурт /Турк/
3. Мариан Тодоров /Болгар/
3. Ричард Церкус /Унгар/
Багийн дүн
Нэгдүгээр байр АНУ
Хоёрдугаар байр Турк
Гуравдугаар байр ОХУ
Долоодугаар байр Монгол
Эмэгтэй чөлөөт бөх
48 кг 1. Жасмина Миан /Канад/
2. Шиори Ито /Япон/
3. Анна Лукасяк /Польш/
3. Алёна Морева /ОХУ/
55 кг 1. Чино Хамада /Япон/
2. Ирина Ологонова /ОХУ/
3. Татьяна Кит /Украин/
3. Саманта Стюарт /Канад/
Монголын чөлөөт бөхийн холбоо