Нийслэлийн Засаг дарга Э.Бат-Үүлийн 487 тоот захирамжийн дагуу Сүхбаатар дүүргийн нутаг дэвсгэрт байгаа гэр оронгүй тэнэмэл амьдралтай иргэдийг бүртгэлжүүлэх, нийгмийн халамж болон сэтгэл засал, боловсрол, эрүүл мэндийн үйлчилгээнд хамруулах ажлыг зохион байгуулж эхэлжээ. Мөн тэдгээр иргэдэд мэргэжлийн чиг баримжаа олгож, ажлын байранд зуучлах зэргээр олон ажил явуулж байгаа юм байна.
Сүхбаатар дүүргийн Засаг даргын Тамгын газар, Халамжийн хэлтэс, Цагдаагийн хэлтэс хамтран одоогоор 92 орон гэргүй иргэдийг хурууны хээгээр нь бүртгэлжүүлжээ. Энэ үеэр Засаг даргын Хөдөлмөр эрхлэлт, нийгмийн хөгжил хариуцсан орлогч Л.Нармандах тэнэмэл иргэдтэй уулзаж санал бодлыг нь сонссон байна. Уг ажил тав хоног үргэлжлэх бөгөөд Амьдрах ухаан сургалт үйлдвэрлэлийн тусгай төвд бүртгэлгүй орон гэргүй тэнэмэл амьдралтай иргэдийг мэдээллийн сангийн бүртгэлд бүрэн хамруулан нэгдсэн бааз дээр дүнгээ нэгтгэх аж.